SHBA/Shoqata Labëria Boston do prezantojë trashëgiminë polifonike në Harvard
Më 6 Prill 2025, në Harvard University, Shoqata Labëria Boston, në bashkëpunim me Studimet e Gjuhës Shqipe në Harvard, do të organizojë një konferencë të veçantë për të prezantuar traditat dhe trashëgiminë polifonike të Labërisë. Eventi do të zhvillohet në Fong Auditorium, Boylston Hall, nga ora 2:00 PM deri në 5:00 PM.
Konferenca do të përfshijë një prezantim të hollësishëm mbi kulturën e pasur të Labërisë, ndërsa një performancë polifonike do të jetë pika më e lartë e mbrëmjes. Kjo është një rast unik për të ndjerë dhe mësuar më shumë rreth një prej thesareve më të çmuara të kulturës shqiptare.
Pjesëmarrja në event është e hapur për të gjithë, por vendet janë të kufizuara. Ata që dëshirojnë të marrin pjesë duhet të regjistrohen përmes linkut: https://forms.gle/zJvfi1vuY7TQME3z8. Për pyetje ose informacion shtesë, mund të kontaktohen në emailin LaberiaBoston@gmail.com ose në numrin e telefonit (781) 964-1939.
Për pjesëmarrësit, parkim falas ofrohet në Harvard Square, Harvard Museum ose në rrugët përreth. Alternativisht, parkim me pagesë është i disponueshëm në Harvard Square Parking Garage (65 JFK Street, Cambridge, MA 02138).
Ky event është një mundësi e rrallë për të ndjerë dhe vlerësuar thellësinë e kulturës shqiptare, veçanërisht polifoninë e Labërisë, në një nga institucionet më prestigjioze të botës.