Zanë Mali: Orakulli i tokës

Ai më njeh

njëjtë si Demetra frymën e Persefonës.

*

Më fton me aromën e shiut

si një orakull i lashtë më shprush

me gjuhën e rrënjëve të dehura.

*

Premtime të harruara pluskojnë mbi mua

si anije hijesh në lumin e fatit

derisa dheu i gëlltit ngadalë

nën rrahjet e fshehta të jetës.

*

Një fjalë e pathënë

si lëmsh balte nga kopshtet e Babilonisë

pëllëmbëve të mia skutlohet.

*

Orakulli i Tokës

legjendat e pashkruara m’i pëshpërit

për çdo pranverë.