Cikël poetik nga Valbona Kolaveri
MA THUAJ BURRASH
O mall i shkruar në gur,
Këmbanë që buçet
E më tremb në shpirt,
Hokatare e padenjë,
Që luan me mua çdo ditë
E qeshesh së largu tek më sheh
*
Ma thuaj burrash
Si të kuvendoj me ty?
Çdo çast,
Që të sjell ndërmend
Rendet, me ngadalë
Me zemër t’i shoshis,
Se si kam me të prit?
*
Si erë që feshfërin?
Si një bubullimë?
A si një furtunë
Që më shkund?
Apo si këngë vaji?
A varg që më përhumb?
Lermë të gjej
E të përkund,
Barkut tē fkollët,
Qē me ty
Nuk po ngopet askund
*
Pastaj ik,
Ik e ktheu sërish tek unë,
Buzët
Ti kam vënë përfund
*
Me puthje kujtimesh
Të thërras,
Sa herë
Kur nē pritje nga pak po vdes
Mallin tënd ta rrok
Si përqafim në mungesë.
IKJET
Ikjet,
Veç ikin ndër ikje,
E më kot,
Struken e stisen,
Të mos jepen në dukje
Mes dhëmbjesh,
Të fshehura,
Ashtu pas puthjesh,
Të lëna përgjysmë
*
Në pritje,
Mes përpëlitjesh mërzish
Për ndarje,
Klithmash të mekura
Angështish
*
Për të parë
Rikthimet që s’dihen,
Për të njerë,
Të njëjtat buzë prekje,
Që u lanë si hijet
Udhëve
*
Ah ikjet,
Ku më të idhëtat,
Janë ato,
Që nuk njohin kthim kurrë.
UNË
Unë,
Jam në lulet e një fustani
Të paveshur,
Që pret hekurosjen e ditës
Zhubravitur nga marrëzitë
*
Unë,
Jam në zërin e ngjirrur
Të natës,
Që pret të nesërmen
Të bëhet më mirë
*
Unë,
Jam në ironitë e fatit,
Që pret kohën
Të shtyjë me gaz,
Dhe pse shpirti më sëmbon
*
Unë,
Jam loti i mbrëmjes,
Që thahet
Pas një gjumi të vonë
*
Unë,
Jam streha e vorfën e vetes,
Që prishet nga rrebeshet
Që në pabindje lëshoj
*
Unë,
Jam njëmijë të zeza,
Që mendoj vetëm të bëj mirë,
Por tē mirën
Rrallë herë e takoj.
E PAFOLSHME
E pafolshme
Asht ndjenja që fshihet
Në shpirt
*
Nuk do zhurmë
Se fjalët kanë ngecur
Tek sytë
HIJA E SHPIRTIT
Në udhët e mistershme
Të vetvetes,
Hija e shpirtit tim
Është e gjatë
*
Ka krahët e një shpendi
Që herë më duket sterr,
Ku si një korb vërtitet
Të hajë tê gjallë vetveten
*
E të bërtasë zëçjerrë
Nga brejtja e gjatë e netëve,
Shumfish zbërthyer
Në faktorin më të thjeshtë,
Frymën,
Që peng e lë
Lutjeve hënore
*
Dhe herë,
Krahët e një falkoi,
Që rend me hov
Të ngrihet,
Për të mos rënë
Ujrave të thellë,
Dhe krahët mos t’më këputen,
Dhe pse dhimbjen
Duhet ta harrojë
*
Të mbërrijë aty ku duhet
Me gjithë fuqinë e plotë,
Ku rrënjëve,
Të mbledh energjinë e mirë,
Drejt udhës së dielltë
Të faljes
*
Ku mos të ndëshkohem më
Me sqepin e një korbi,
Që më pas ngadalë,
Pak nga pak të vdes
Edhe pse jam gjallë.
ATA ISHIN KATËR
Ata ishin katër,
Tashmë herë bëhen dy,
Rrallë herë bëhen tre,
Asnjëherë një me një
*
Ata dikur ishin katër,
Bashkuar në një grusht,
Mbledhur në një sofër
Sot kohësh djerrë
Harruar,
S’i mbledh më asnjë votër
*
Ata dikur folën,
Dhe u panë,
Të katërt nën një shpirt,
Vec kujtimeve asgjë më s’lanë,
Kuvendimeve kur dikur ishin etërit
ENDEM
Në ndryshore ndjenjash
Endem, krahëthyer
*
Si gjethe e rënë
Kësaj vjeshte
*
Mbledh fuqitë
E rëna
Tokēs së shpirtit
*
Në epiqendër
Të zemrës
*
Magnitudë,
E lëkundjeve të dashnisë
Mi shkundi gjunjët
*
E më bredh
Sa andej-këndej,
Ëndrrash
ME TY
Shkallët e shpirtit
I ngjita një nga një
Për të qenë me ty
Edhe
Nēse ti mungon
Veçse në u thefshin
Atëherē
Unë do të rrëzohem
*
Dhe
Të jem me ty
Fajde më nuk bën
TRISHTIM VJESHTE
Udhët e dashnisë tënde,
Tashmë u bënë të largêta,
Të ftohta
*
Frymë rrëmbyer erërash,
Rrebeshesh,
Ngjeshur me trishtime vjeshte
*
Gjurmësh malli
Të lëna peng sysh,
Ku krahët shkund
Pa përqafime,
Drejt ikjesh pa kthyer kryet pas
*
Duke u parë më rrallë
Në pasqyra zemre ëndrrave,
Përmalluar kujtimesh,
Lotësh,
Sa herë t’më thërrasin brengat.
PEZMATIMI I HËNËS
Hëna ime gjysmake
Mbuluar me mistere,
Sytë kapluar pritjesh
Tjetërsuar nyjesh,
Transformeve rreth vetes
*
Çalimesh endacake,
Shpirtrash,
Botëve,
Furfulisur netëve,
Ëndrrave të në nate vere
*
Veshur sysh
Kapilarë yjesh,
Dêshirash,
Tretur ndër gjysma idhnake,
Dhe rrotullimesh mistike
*
Qëndron si zonjë,
Sërish stoike,
Fshehur mallëngjimesh
Aty harruar qiejsh
*
S’kemi folur ende
Me gjuhë kodimesh,
Se unë,
E thyeva betimin
E zërit tënd të dritës
*
Që më përshkon çdo herë
Me gjylpëra shprese,
Dhe më ther ëmbël
Si pickime dashurie
*
E ndiej,
Që po i thërret
Heshtjes së përtejme,
Dhe atëherë,
Kur të plotën të gjesh
Ikjeve,
Si dënim për pezmën tënde,
Dhe unë ti bindem lutjeve,
Dhe të të them e druajtur,
Më fal,
Udhëtarja ime e dyjëzimeve.