Albspirit

Media/News/Publishing

82 vjet nga lindja e aktorit dhe regjisorit të mirënjohur Rikard Ljarja

Më 1 prill të 1943 lindi në Shkodër, aktori, regjisori e skenaristi i mirënjohur Rikard Ljarja, i njohur nga shumë breza shqiptarësh për rolet e tij në teatër dhe në kinematografi.

Në vitin 1960 mbaroi maturën në Shkodër, ndërsa në vitin 1965 u diplomua në Shkollën e Lartë të Aktrimit “Aleksandër Moisiu”, Tiranë.

Për tetë vite, pas diplomimit, punoi aktor i teatrit në Teatrin “Migjeni” në Shkodër. Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga Kinostudio. Prej 1996 deri 2002, kur doli në pension, ishte drejtor artistik në Televizionin Publik Shqiptar.

Aktori karizmatik, realizues i sa e sa roleve, ka mbetur në kujtesën e publikut si fillrojtësi Dedë tek “Rrugë të bardha”, mësuesi Dritan Shkabaj tek “Komisari i dritës” apo Skënderi tek “Duel i heshtur”.

Rikard Ljarja mbetet ende një prej aktorëve më të dashur prej publikut. Ai u nda nga jeta më 20 prill 1920, në moshën 77-vjeçare, pasi prej vitesh vuante nga një sëmundje e rëndë./atsh

Please follow and like us: