Festivali “Roma Romale 2025” starton ne 11 Prill. Kryebashkiakja Majlinda Bufi entuziaste që ky festival është një ide e patentë e qytetit të Roskovecit

Festivali “Roma Romale 2025” do të zhvillohet në dy netë në qytetin e Roskovecit. 10 grupe nga Shqipëria e të ftuar specialë grupi nga Maqedonia e Veriut me drejtoreshë artistike Ermina Redjepova do jenë prezent në festivalin “Roma Romale 2025”. Artistë nga Tirana, Durrësi, Lezha, Mati, Roskoveci, Lushnja, Delvina, Ersekë, Fieri do të jenë të pranishëm në këtë festival ku qëllim ka të ruaj traditën, jo vetëm në kërcimet tradicionale, muzika por edhe në veshjet e tyre.

Ka mëse dy muaj që grupet janë duke u përgatitur për këtë festival i cili do të jetë një shkëmbim eksperiancash mes artistëve Rom të qyteteve pjesëmarrëse. Tashmë axhenda e festivalit është miratuar nga kryetaria e bashkisë Roskovec, Znj. Majlinda Bufi, ku ky festival është nën kujdesin e veçantë të saj. Dita e parë do të jenë të ftuar përfaqësues nga Kosova si Z. Habit Hajredini (drejtor i zyrës së qeverisjes së mirë, pranë Kryeministrit Albin Kurti) kryetari i komunës Prizren Z. Shaqir Totaj, Z. Bali Muharremaj kryetar i komunës Suharekë, Z. Adriatik Hasantari (drejtor ekzekutiv i organizatës Roma Active Albania të cilët do të jenë në një tryezë diksutimi me tematikë: “Çështja rome, në prespektivën e pushtetit lokal”.

Dita e dytë, kryebashkiakja Bufi do të ketë takimin në zyrën e saj me artistët që vijnë enkas për festivalin dhe në mbrëmje do të finalizohet me një super koncert në sheshin “Bazar” ku të gjithë qytetarët e Roskovecit do të shijojnë një spektakël me të artistët Rom nga Shqipëria.