Lulzim Tafa: Gjërat vlejnë vetëm aq sa kanë faj

Elena Tafa

Është e para që e ka thënë

Se gjërat vlejnë vetëm aq

Sa kanë faj

*

Nuk vonoi shumë

E një kinez

Ia hëngri kokën një lakuriqi të pafajshëm

*

A të kam thanë bre bab’

Se herëdokur

Bota do t’ua shohë sherrin të pafajshmëve    

Më tha

*

Bota u çart

E unë u stepa

*

Njësi të tillë matëse

S’kisha njohur

Kurrë më parë

*

Tash

Elena vet është spikere lajmesh

Dhe çdo mbrëmje jep

Lajme për fajin