Elia Zaharia: E shtrenjta jonë…

E shtrenjta jonë, Margaritari i vyer në gjerdanin e çmuar të teatrit dhe kinemasë shqiptare, ti sot i mbylle ata sy të bukur e plot jetë, që mbanin gjithë dashurinë, fisnikërinë dhe mënçurinë e botës brenda tyre… Jam e bindur që sot jo vetëm familja apo komuniteti artistik, por çdo shqiptar ndjen se ka humbur një njeri të dashur, pasi përmes artit, artisti depërton në filigranet më të thella të shpirtit.

Ti Margaritari ynë shkelqeve fort në skena e ekrane, e mbi të gjitha mirësia dhe forca e karakterit tënd rezonuan në zemrat e atyre që të njohën, punuan me ty e të deshën aq fort!

Jam tejet e prekur nga kjo ikje e jotja, pasi unë u rrita në prehërin tuaj, nën përkujdesin tuaj si fëmijë, por edhe si vajzë e rritur më vonë.

E shtrenjta jonë, më je gjendur pranë në ditë të bukura kur festonim premiera, e në ditë të trishta kur më jepje kurajo!

Do më mungojë aq shumë përqafimi yt i ngrohtë…

Të dua me gjithë zemër, sot e përgjithmonë! 

Shpirti yt i bukur u prehtë në paqen e amshuar!

Ngushëllime familjes! Zoti u dhëntë forcë në këtë ndarje kaq të dhimbshme!