Prof. As. Dr. MSc. Artan Xh. Duka: Retorikat e Bashkimit Europian

 

Gara pёr “copyright”

Hyrja nё BE do tё jetё ҫast historik dhe normal qё politikanёt do tё rreken si gjithnjё tё bёjnё protagonistin e marrin tё drejtёn e “autorit” pёr ta patur “pajё” politike pёr nam dhe flamur pёr vota mё pas. Njёlloj si me Lёvizjen e Dhjetorit, 22 marsin, Marrёveshjen e Stabilizim-Asocijimit, heqjen e vizave, statusin kandidatit nё BE, hyrjen nё NATO etj. 

Tё gjithё duan ta tundin trofeun BE si “kёmborё” kujtese ndaj kundёrshtarit e votuesit ndёrsa pёrpiqen qё tё harrohet tranzicioni vrastar e rrёnues bashkё-autorёsinё e “copyright”-in e tё cilit e ka po kjo politikё si eskluzivitet. 

Pёr BeRamёn, BE mbetet “trofeu” i madh, “plaҫka” e luftёs qё pandehin se i bёn “hallall” e “tё shkuara tё harruara” gjithshka nga tranzicioni famёkeq. Ndaj edhe hyrja nё BE nuk ka atё vlerё qё trumbetohet sa kohё ende kemi njё qeveri Rama qё nuk ndal por nxit emigracionin teksa e ka bёrё “gurin” tё lehtё nё vёndin e vet, njё opozitё Berisha qё tromaks me “Pas meje qameti” e epokё “guri” demokratik apo ca parti tё reja qё ofrojnё veҫ “gurё” nё trastё, ndёrkohё qё heqin krrabёn nga vetja! Copyright-in e BE nuk mund t’a ketё politika qё ka copyright-in e tranzicionit!  

Shiu nё paradёn e BE-sё

Politikanёt nuk janё tё pёrsosur (ndryshe do ishin fetarё) por ambicja pёr famё e narҫizizmi politik qё e kanё me tepri, ёshtё i mirёkuptueshёm sa kohё ёshtё me masё e nёn kontroll prej sistemit. Nga ligji zgjedhor qё nxit virtytin, kufizimi i mandateve, referendumi si rutinё, vetingu politik, barazia para ligjit etj. 

Politika ёshtё mision i frymёzuar nga ndjenja e shёrbimit ndaj publikut, por mjerisht politikanёt tanё zhgёnjejnё se nuk janё misionarё qё japin nga vetja pёr politikёn e publikun por tё “zotё” qё politikёn e kanё mjet pёr nam e pёrfitim personal. Deri nё cinizёm kur pretendojnё “fletё-lavdёrimi” pёr gjoja “arritje” qё nё fakt nxisin varfёri, dёshpёrim e humbje tё toruas e shpresёs nё vёnd.  

Pёr ta asgjё nuk ёshtё tabu e synimi justifikon gjithshka. Nga Rama qё kaloi “ylberin” politik e sot kalёron e tjetёrson PS sipas imazhit tё tij ndёrkohё qё si “pardesybardhё” i ’90-ës e anatemoi atё parti dikur aq shumё, Berisha qё edhe ai kaloi “ylberin” por matanё e hiqet si demokrat i lindur dje, politikanёt nё partitё e tjera qё ose nuk u ka thёnё kush puna e mbarё ose janё tё pabesueshёm sepse u “allnuan” me Berishёn vetёm pas non-gratёs nga SHBA etj. 

Ky takёm qё nuk zbret nga “fiku” i pushtetit prej 90 e qё ende prezantohet si e “reja” e tё pazёvёndёsueshmit e rёnё nga qielli, bёjnё sikur harrojnё se nё 90 u ngritёn dhe u mbёshtetёn nga shoqёria sepse koha kёrkonte ndryshim dhe e vjetra e bllokmenёt ishin bёrё bozё. Ky takёm qё pёr nga “mullari” i abuzimit nuk ka shok, sot ёshtё “plakur”, bёrё “zombi” e “bozё” po aq sa edhe bllokmenёt dikur, thinjur e rregjur si ata ulur me dekada nё karriken e pushtetit politik.  

Ky takёm mori breza nё qafё e kuturisi njerёzit ose tё sfiliten nё vёndin e tyre ose tё ikin nga sytё kёmbёt botёs duke cёnuar interesin e identitetin kombёtar, shprishur demografinё e familjen, traumatizuar tё moshuarit nё vetminё e tyre pa fёmijё rrotull e tё braktisur nga shteti (pensionet, kujdesi mjekёsor, “loja” me eurot qё u nis fёmija etj).  

Ky takёm ngutet e sajon qё sot pёr vete e sojin e sorrollopin privilegje e favore pafund ndёrsa pёr qytetarin premton me kismet “mot” si Nastradini “O unё, o mbreti, o gomari”, ndёrkohё qё qytetari vetёm luksin e kohёs nuk ka.   

Ky takёm shmang reformёn zgjedhore qё i jep peshё votёs, pamundёson referendumin, zhurmon zёrat pёr vetingun politik, mban e pёrdor shoqi-shoqin si gallof e dordolec pёr tё trёmbur votuesin nё fushata zgjedhore e garantuar vijimёsi pushteti e privilegjeve pafund. 

Ky takёm takson e sajon gjoba sipas tekave (vetёm xhiro, ajri e gjumi kanё mbetur “qejfe” pa para), favorizon tё kamurit qё kanё gjetur rehat tek PS e “majtё”, futi sherrin e pronёs e atё partiak qё pasi na ndau keqas po i kalon si stafetё rinisё etj.

Ky takёm ёshtё ai “shiu” qё do tё prishё edhe festёn e futjes nё BE ndaj nёse flasim pёr lajm historik, sesa dita e futjes nё BE, do tё jetё dita kur politika e tranzicionit do tё kyҫet nё “muzeum” e kohёs si ri-kujtesё pёr brezat se e keqja nuk ka brirё.

Trofeu qytetar

Ёshtё cinike tё trumbetohet se futja nё BE ёshtё “nder” e “dhuratё” nga politika qё e mori peng atё kaq gjatё. Futja nё BE ёshtё natyrshёm “haku tek i zoti” pёr njё popull qё historikisht i ka dhёnё Europёs mё shumё se sa ka marrё prej saj. 

Askush nё politikё, as Rama me dekoret e fasadat e reformave qё nxitёn polarizim e braktisje tё vёndit e qё tani trumbeton se vetёm ai e PS janё garanci pёr futjen nё BE, nuk ёshtё i domosdoshёm e i pazёvёndёsueshёm pa tё cilёt t’a harrojmё BE! 

Fati i votёs sё majit nuk ka pse tё lidhet me fatin e integrimit nё BE e ndonse Rama me Berishёn dallon si dita me natёn, ka ditё e ditё, ka me shi e me diell dhe qytetari meriton pёrtej dyshes BeRama qё na ofrohet si fatalitet kaq gjatё.    

Integrimi nё BE, mirёqёnia qytetare, fati i reformave etj nuk duhet tё lidhet me emra tё pёrveҫёm nё politikё. Do tё ishte rrasje e vezёve nё njё trastё e do tё dёshmonte demokraci tё brishtё e pasiguri. Retorikat e Ramёs pёr krye-garantin e BE, drejtёsisё (dorёzimi i shpatёs nuk ёshtё lёshim por detyrim) etj, nuk janё ogur pёr politikё modeste e tё urtё si standart nё BE. Nёse bёn atё qё duhet, nuk po i bёn nder qytetarit por detyrёn ndaj atij qё tё besoi me votё. 

Rama e mbarё politika bёjnё mirё tё mbajnё “duart” larg nga “trofeu” BE sepse ёshtё “trofe” ku kanё meritё tё gjithё. Nga politika korrekte e dinjitoze, ata qindra nёpunёs tё zellshёm e patriotё nё administratё qё negociojnё pёrditë me BE, shoqatat, media e intelektualёt kurajozё, emigrantёt qё nuk harruan vendin e tё parёve etj dhe tё gjithё nё rrjesht pas krye-protagonistit e “kapitenit” qё i takon ta ngrejё i pari lart nё ajёr “trofeun” e BE e qё ёshtё qytetari shqiptar.