Senad Guraziu: Alfons Zeneli, ninullë vetes

NINULLË VETES
(poezi nga Alfons AL Zeneli, postuar në Facebook më 28 Qershor 2014

Fli
pikëllimi im i vogël,
pusho në cepin e natës tënde
pa ëndrra,
pa zëra,
pa dritë
fli.
Fli
fjala ime e thyer,
harroji kristalet e tu shpërndarë
ndër liqene,
sy,
moskuptime.
Fli
trupi im fatal,
lakore dhimbjesh të kuqe dhe të bardha,
farë e mbime shkretish
fli.
Kam frikë se mos zgjohesh
biri im…
dhe mbetem pa ty.

***
… një poezi nga Alfons Zeneli, postuar nga ai në Facebook më 28 Qershor 2014 – shfaqet në faqen time të Fb, por si duket s’e sheh askush përveç miqve, të cilët janë të panumërt… kuptohet miqtë e mi pa “butona” janë të panumërt, mirëpo nuk figurojnë në Facebook, kur bëhet fjalë për miq “me butona” (siç pretendonte Facebook, dhe akoma vazhdon) s’kam të tillë, s’ia them aq për miqtë e “butonave”, madje s’kam as mikesha, imagjinoje pafatësinë, as dhe 1 të vetme, t’kesh faqe në Facebook dhe t’mos kesh mikesha, totalisht e pafalshme – do thoshte Trump, Berluskoni, Kazanova, Don Zhuani etj : )

…dmth. për keqardhje, Facebook i ka kushtet e veta, s’ke miq dhe si “dënim” apo si parakusht i joplotësuar, i izolon postimet e tua, Facebook nuk është faqe në kuptimin klasik por është sistem reklamatik, Facebook e uzurpon “hapësirën” e vet internetike (e izolon nga Interneti), njëjtë dhe Youtube, njëjtë dhe Google, etj. etj. (tashmë pothuaj të gjithë ia bëjnë të njëjtën – është njëlloj “grepi” që duhet ta kafshojnë peshqit), dhe kështusoj pa rrjetin e “miqësisë” postimet e tua ngelin mbyllur, Facebook është sistem i dizajnuar në mënyrë specifike për t’i shfrytëzuar “miqësitë” e njerëzimit (gjoja “miqësi”, tekefundit… virtuale – përndryshe si na qenka e mundur t’i kesh 5000 miq, as Ajnshtajni i madh s’i kishte 5000… ehuuu s’i kishte madje punët mirë as me gratë, me dashnoret e veta, i pata lexuar njëherë “kushtet” e tij për gruan e vet dhe pata shtangur, qesh habitur sa s’ka më : )

…Fb është sistem i dizajnuar për t’i patur gjithë njerëzinë nën një kulm (gjoja socio-mediatik), për t’i eksploatuar pastaj si masë (reklamatike) – ky dhe ishte “gjenialiteti” i idesë, i cili “gjenialitet” siç dihet shefin Zucko-Marku do e bënte miliarder, multi-miliarder, paçka se shikuar holl e holl dmth. mënyra si operon Facebook është dhe manipulim i kulluar, gjenialitet manipulativ – do ta quaja : )

…mua vetë personalisht sikur aq më bënte, pasi nuk e përdor por thjesht si “fletore elektronike”, si Notepad për shënime – pra, për fat të keq s’e sheh kush poezinë e z. Zeneli në faqen time, me gjasë i ka 10 vite e izoluar, s’e kam parë as unë vetë, andaj po jua nis që ta lexojnë të gjithë miqtë e “jashtë-butonave”, kudo që t’jenë : )
(s. guraziu – ap, 5 pr 25)