Amarda Ekmeçiu: Lermë të vdes e të ngjallem përsëri

Lermë të vdes në krahët e tu

Sërish do t’i çel sytë

Si sythet e Majit

Kur si laureshë të puhitem mbi gushë

Të këndoj, të këndoj, të këndoj melodinë e gëzimit tënd, me zemrën e një zogu…

Lermë të vdes e të ngjallem përsëri

Frymëzim i ditës, që nis e mbaron me

Fjalët e altarit të bardhë

Dritë, që buron prej këmbëve të zbathura të një fëmije, harruar nën lëkurë…

Lermë të vdes e të zgjohem syth në krahët e tu

Maji im…