Marash Mirashi: Dy kryqe

Të dielën

ti pikturove portretin tënd abstrakt

me dy kryqe,

e palose katërsh

dhe e fute në një kuti

transparente.

*

Në mbrëmje, portreti yt me dy kryqe

mbërriti në qytet

ku politikanët

duartokasin talentin tënd të pazakontë

falë të cilit

ata ushtrojnë të drejtën

për të jetuar në luks.

*

Në orët e vona të natës

ti pikturon një pikëpyetje

dhe fle gjumë

me ëndërra  të mundimshme.

*

Në mëngjes

zgjohesh me kryqin mbi shpinë

që ia pikturove vetes.

Ti pikturon dy kryqe

me një lehtësi të çuditshme

në një letër të madhe

ku për për ironi

arti yt

mbetet anonim.