Lulzim Tafa: Vajtimi i poetit që nuk lexohet nga askush

Poezia ime e fundit e kishte vetëm një lexues

Edhe ai isha unë

E lexova tri herë gabim dhe pastaj

E hoqa postimin

As librin e ardhshëm që do ta shkruaj

Nuk do ta lexojë askush

Por ai do të hapet vetë

Nga era

Tani do të shkruaj me një gjuhë të vdekur

Që s’e flet askush

Nuk e di as pse shkruaj më

Moti e kam harru veten në raft të librave

S’e di edhe a jam më poet

Poezia është Zot

Edhe nëse nuk besohet nga askush

Në dreq kjo botë që lexon gjithçka

Përveç shpirtit