Cikël poetik nga Avdush Canaj
DIL NGA MALI I GJETHEVE
O zog i mirë
i miri zog
dil nga mali i gjetheve
dil
ta bëj një selfi
me këngën tënde.
T’i them botës
në Istagram
shihni kë e kam shok.
LUMTUROHET LUMTURIA
Lumturia lumturohet
me mua
në luhare të mollës
Qesh si unë
kur ia prek faqet
qiellit
Me flatrat e pëllumbit tim
duartroket
Tevona shkon
në kopshtore të Aries
ku vizatohet liria
degëve të ngazëllyera
Lumturon edukatoret
me sytë e prillit
Kur lodhet
pushon me mua
në divanin e dallëndyshës
mësojmë solfezhin.
NDOSHTA EDHE TI SI UNË
Ndoshta edhe ti si unë
e sheh diellin
duke shkruar vargje
në faqen e një reje.
Ndoshta edhe te ti
erdh lejleku
të tha si mua:
ishte si vjershë e Avdos
që ma lexoi dje
te qerpiku i lumit.
Nuk di a deshe ta arrish atë re
si unë nga ballkoni
ta bësh shoqe edhe ti.
Dielli nuk më tregoi
kah shkoi reja e vogël.
SI MARGIRITAR GUACASH
Im gjysh është modest
Pi çaj kamomili
E rrallë ndonjë kafe.
Ha byrek me dy petë
Patate të pjekura
E pica Tuna.
Ndoshta pse pi ujë
Artane
Vjershat i dalin
me muzikë
kroi.
Janë si margaritar
guacash.
NDOSHTA EDHE TI SI UNË
Ndoshta edhe ti si unë
e sheh diellin
duke shkruar vargje
në faqen e një reje.
Ndoshta edhe te ti
erdh lejleku
të tha si mua:
ishte si vjershë e Avdos
që ma lexoi dje
te qerpiku i lumit.
Nuk di a deshe ta arrish atë re
si unë nga ballkoni
ta bësh shoqe edhe ti.
Dielli nuk më tregoi
kah shkoi reja e vogël.
