Sazan Goliku: Prometeu!

Pasi kaloi skëterrën e mbitokës e të nëntokës

pasi përbuzi e mohoi thesaret e tokës e të qiellit

pasi shpërtheu zinxhirët e fatit të parathënë

me zjarrin rrëmbyer Zeusit të madh rrufehedhës

Prometeu

qëndroi

kryelart

para njerëzve

e vetes.

Zjarri mitik

iu shndërrua në monedhë të artë që rrezatonte

si Dielli.

E kush e meriton më tepër se unë! –

thirri sa u trand tokë e det

i pavdekshmi Promete

dhe e futi monedhën

në honin pa fund të xhepit të vet.