104 Laureatë të Çmimit Nobel mbështesin deklaratën që i referohet Planit me Dhjetë Pika të Maryam Rajavit për një Iran demokratik
Në një lëvizje ndërkombëtare të paprecedentë, 104 fitues të Çmimit Nobel bëjnë thirrje për mbështetje ndërkombëtare për aspiratat demokratike të popullit iranian dhe ndalimin e ekzekutimeve.
104 fitues të Çmimeve Nobel në disiplina të ndryshme shkencore, paqe dhe letërsi, në një veprim të paprecedentë, përmes një letre të fuqishme drejtuar Antonio Guterres, Sekretarit të Përgjithshëm të Kombeve të Bashkuara, kërkuan ndalimin e shkeljeve sistematike të të drejtave të njeriut në Iran. Ata gjithashtu shprehën mbështetjen e tyre për planin me dhjetë pika të znj. Maryam Rajavi për një të ardhme demokratike dhe të lirë në Iran. Ata dënuan ekzekutimet në Iran dhe i bënë thirrje Kombeve të Bashkuara që të mos qëndrojnë më të heshtura përballë krimeve të regjimit të fashist iranian.
Shkalla e ekzekutimeve në Iran është e tmerrshme. Vetëm në një ditë, të dielën, më 7 shtator, të paktën 14 të burgosur u dërguan në varje. Që nga 23 gushti 2025, gjatë një periudhe prej 17 ditësh, të paktën 90 të burgosur kanë rënë viktimë e makinerisë së ekzekutimit të regjimit iranian.
Ekzekutimet rekord të Iranit
Nënshkruesit dënuan përdorimin e vazhdueshëm të ekzekutimeve nga regjimi iranian si një mjet për mbijetesë dhe frikësim. Sipas Laureatëve: “Të paktën 1,000 ekzekutime, përfshirë 34 gra, janë kryer nga regjimi iranian në vitin 2024. Irani mbetet ekzekutuesi kryesor në botë për frymë, me të paktën 1,275 ekzekutime të regjistruara gjatë presidencës 10-mujore të Presidentit të regjimit iranian që nga korriku 2024.”
Refuzimi i popullit ndaj diktaturës
Letra rikujton kryengritjen mbarëkombëtare të vitit 2022 në Iran, gjatë së cilës qytetarët refuzuan si monarkinë ashtu edhe teokracinë: “Populli iranian refuzoi qartësisht si diktaturën monarkike ashtu edhe sundimin teokratik, duke bërë thirrje për një republikë demokratike”.
Mbështetja ndërkombëtare në rritje për Rezistencën Iraniane
Laureatët e përshtatën deklaratën e tyre me njohjen globale në rritje të Rezistencës Iraniane, veçanërisht me Planin me Dhjetë Pika të propozuar nga Znj. Maryam Rajavi, Presidente e zgjedhur e Këshillit Kombëtar të Rezistencës së Iranit (NCRI).
Më 26 shkurt 2025, një rezolutë dypartiake në Dhomën e Përfaqësuesve të SHBA-së (H. RES. 166) fitoi mbështetjen e shumicës, duke dënuar terrorizmin dhe abuzimet me të drejtat e njeriut të regjimit, ndërsa mbështeste vizionin demokratik të Rajavit.
Letra gjithashtu iu referua mbështetjes globale të paprecedentë për këtë udhërrëfyes: “Në qershor 2024, mbi 4,000 parlamentarë nga sfonde të ndryshme politike, së bashku me 130 ish-kryetarë shtetesh dhe 80 Laureatë të Nobelit, mbështetën Planin me Dhjetë Pika të Znj. Rajavi”.
Me 104 Laureatë të Nobelit që shtojnë zërin e tyre, kjo letër përfaqëson një nga mbështetjet më të forta akademike dhe morale ndërkombëtare për aspiratat demokratike të Iranit deri më sot.
Emrat e nënshkruesve të letrës së fituesve të Çmimit Nobel drejtuar Sekretarit të Përgjithshëm të OKB-së mund të gjenden në linkun e mëposhtëm:
https://drive.google.com/file/d/1lFcDM6WhLPx6mnHtekp3SuZSE8v0VJVk/view?usp=sharing
