Përvjetori i revolucionit të vitit 1979, dhjetëra mijëra iranianë në Berlin, miting masiv kundër regjimit të Teheranit!
Një demonstratë shumë e madhe e opozitës iraniane pritet të mbahet këtë të shtunë në Berlin, me pjesëmarrjen e dhjetëra mijëra iranianëve nga diaspora dhe figurave të njohura ndërkombëtare.
Tubimi organizohet nga People’s Mojahedin of Iran dhe mbahet në përvjetorin e revolucionit antimonarkik të vitit 1979.
Protesta ka në qendër mbështetjen për ndryshimin e regjimit aktual në Iran nga populli dhe rezistenca e tij e organizuar, në një moment kur vendi po përjeton një nga periudhat më të tensionuara politike dhe shoqërore të viteve të fundit.
Sipas një artikulli të publikuar nga EU Reporter, rreth 100 mijë persona pritet të marrin pjesë në mitingun e quajtur “Free Iran”, në solidaritet me kryengritjen mbarëkombëtare në Iran.
Demonstrata në Berlin shihet si një mesazh i fortë politik drejtuar komunitetit ndërkombëtar, duke kërkuar rritjen e presionit ndaj autoriteteve iraniane dhe mbështetje për aspiratat demokratike të popullit iranian.
