Pianistja shqiptare nga Kosova Anila Aliu vlerësohet nga Asambleja e Shtetit të New York-ut
Suksesi i artistëve shqiptarë po shtrihet gjithnjë e më shumë në skenën ndërkombëtare. Artistja nga Kosova, Anila Aliu, është vlerësuar me një Mirënjohje Zyrtare (Citation) nga Asambleja e Shtetit të New York-ut, një nderim që thekson kontributin dhe ndikimin e saj artistik përtej kufijve.
Ceremonia u mbajt në New York dhe mblodhi figura të rëndësishme të jetës politike dhe diplomatike amerikane, përfshirë liderë institucionalë, ambasadorë, deputetë dhe senatorë. Anila Aliu pati gjithashtu mundësinë të mbajë një fjalim, duke përfaqësuar jo vetëm artin e saj, por edhe Kosovën në një nga institucionet më të rëndësishme shtetërore të SHBA-së.
Në një reagim publik, artistja u shpreh se ky vlerësim përfaqëson një moment domethënës në rrugëtimin e saj profesional, i cili ka nisur në Kosovë dhe ka arritur në nivele të larta ndërkombëtare. Ajo theksoi se mirënjohja e marrë i shërben si motivim për të vazhduar përfaqësimin e vendit të saj me dinjitet, profesionalizëm dhe përkushtim artistik 
.
Raste të tilla dëshmojnë rolin e rëndësishëm që arti dhe kultura luajnë në ndërtimin e lidhjeve ndërkombëtare, duke e shndërruar krijimtarinë artistike në një formë të fuqishme të diplomacisë kulturore mes Kosovës dhe Shteteve të Bashkuara./diaspora shqiptare
