S’ka vickla me Trump, Putin rishfaqet në sozi zyre pas 161 ditësh
Presidenti i Rusisë, Vladimir Putin, është shfaqur sërish në një nga të ashtuquajturat “zyra binjake”, pas një ndërprerjeje rekord prej 161 ditësh, duke shtuar spekulimet mbi përpjekjet për të fshehur vendndodhjen e tij.
Rikthimi në të ashtuquajturën “zyra bezhë” ndodhi sot, në përvjetorin e aneksimit të Krimesë. Kjo zyrë ndodhet në rezidencën periferike të Novo-Ogaryovo, por sipas raportimeve, kopje identike të saj ekzistojnë edhe në Soçi dhe Valdai, duke i mundësuar Kremlinit të maskojë vendndodhjen reale të presidentit.
Herën e fundit që Putin ishte parë në një ambient të tillë ishte më 7 tetor 2025, në ditëlindjen e tij, kur zhvilloi një videokonferencë me anëtarët e Këshillit të Sigurimit. Në mars 2026, ai e përdori sërish këtë zyrë për një takim me qeverinë ruse.
Përdorimi i këtyre ambienteve identike shihet nga analistët si një strategji sigurie dhe dezinformimi, në një kohë kur tensionet ndërkombëtare dhe shqetësimet për sigurinë e liderëve janë në rritje.
