Franca me kroasante i lutet Britanisë: Rri në BE

Franca ka dërguar dhjetëra mesazhe të shkruara me dorë përmes kanalit “La Manche”, në përpjekje për t’i dekurajuar njerëzit të dalin nga Bashkimi Europian.

Këto kartolina janë dërguar në Britani të Madhe dhe janë shpërndarë nga furra franceze në Londër “King’s Cross”, dhe janë shoqëruar me nga një kroasant të freskët mirëpo, rregullat e heshtjes parazgjedhore në Britani të Madhe, kërkojnë që askush të mos marrë ushqim nga një fushatë e caktuar, për shkak se cilësohet si “korruptim”, shkruajnë mediat britanike, transmeton Klan Kosova.

“Në ditën para referendumit, ne kemi vendosur që nga Parisi me qindra kroasantë të freskët t’ju kërkojmë fqinjëve tanë të rrinë në BE. Së bashku me një kroasant, për një qytetar britanik vjen një kartolinë e shkruar nga një parisien. Aty mund të jetë shkruar çdo gjë”.