Një protestë është zhvilluar sot para Ministrisë së Energjetikës. Ajo është organizuar nga banorë të Tropojës dhe aktivistë të shoqërisë civile që kundërshtojnë ndërtimin e hidrocentraleve në Valbonë. “Komuniteti është kundër këtyre hidrocentraleve sepse shkatërrojnë natyrën, cenojnë ekonominë dhe zhvillimin e turizmit. Sot kërkojmë të anulohen këto projekte, të ruajmë identitetin e Parkut Kombëtar si dhe të investojmë në zhvillimin e ekoturizmit”, thonë aktivistët. Qeveria ka dhënë disa kontrata konçesionare në Valbonë, pa pyetur për dëmin që shkaktohet në mjedis. E njëjta gjë po ndodh edhe në Jug, në Vjosë, ku parashikohet ndërtimi i disa HEC-ve, ndonëse apeli për të ndalur shkatërriin ka ardhur edhe nga qendra të njohura në Europë.

[youtube https://www.youtube.com/watch?v=HNPswDHXtFg]