Në fakultetin e Kairos në Egjipt, u filmua kjo studente teksa hyri brenda kampusit të fakultetit.

E veshur me ngjyrë rozë dhe shumë provokative, ajo fillon të ngacmohet seksualisht teksa ecën nëpër rrugë.

Duke fërshëllyer e duke bërtitur studentët tjerë, ajo shihet me rojat e universitetit duke e përcjellë studenten pasi ajo ishte ngacmuar nga disa meshkuj të cilët kishin tentuar ta zhvishnin.

Dekani i fakultetit, Gaber Nasser, ka fajësuar studenten pasi ka thënë se veshja e saj është shumë provokuese.

“Kjo studente ka hyrë në fakultet me mbulesë, ndërsa pasi ka hyrë është zhveshur dhe ka dalë para të tjerëve me rroba të ngushta dhe provokative, dhe kjo nuk e justifikon aspak atë”, ka thënë dekani.

Gjë që studentja e ka mohuar, duke thënë se kështu ka hyrë në fakultet çdo herë dhe në të njëjtën veshje edhe ka dalë, dhe ajo që ka thënë dekani është shpifje.

Mariam Kirollos, aktiviste e të drejtave të grave tha në Twitter se dekani duhet të “merret në pyetje dhe të dëbohet” dhe se “hetimet për incidentin ndaj ngacmimit të kësaj femre duhet të fillojnë menjëherë”.

Nasser, pretendon se ai nuk ka thënë një gjë të tillë dhe ka kërkuar falje për keqkuptim. Gjithashtu ka thënë se meshkujt të cilët kanë ngacmuar atë do të ndëshkohen.