Erdogan drejt projektit të republikës presidenciale, i pranishëm në takimin e parë të qeverisë së re

ATSH-ANSA/ – Takimi i parë i Këshillit të ri turk të Ministrave, i njoftuar sot nga kryeministri Binali Yildirim dhe që do të zhvillohet në pallatin presidencial, do të drejtohet nesër nga presidenti i vendit, Recep Tayyip Erdogan. Edhe në të kaluarën, shefi i shtetit turk drejtonte Këshillin e Ministrave, pavarësisht rolit joekzekutiv të presidencës aktuale turke. Kjo zgjedhje ka një vlerë të madhe simbolike duke parë që Yildirim ka premtuar kalimin e vendit në sistemin e republikës presidenciale. Kryeministri i emëruar turk, Binali Yildirim prezantoi po sot kabinetin e ri qeveritar i përbërë nga aleatë besnikë të presidentit dhe personit më të pushtetshëm të vendit, Recep Tayyip Erdogan, dy ditë pas marrjes së mandatit. Erdogan miratoi kabinetin e ri të ministrave, ku pjesa më e madhe e posteve të mëparshme më të rëndësishme të qeverisë nuk ka ndryshime, si Mevlut Çavushoglu në ministrinë e Punëve të Jashtme dhe Mehmet Simsek, i cili mban funksionin e zëvendës kryeministrit i ngarkuar për Ekonominë.

Please follow and like us: