Shumica e gjermanëve besojnë se Bashkimi Evropian do të vazhdojë të ekzistojë pas 10 vitesh, por shumë mendojnë se blloku do të ketë shumë më pakë anëtarë në atë kohë, sipas një sondazhi të publikuar sot.

Nga të pyeturit 70 për qind u shprehën se BE-ja do të vazhdojë të ekzistojë në vitin 2026, sipas sondazhit të zhvilluar nga kompania “TNS Emnid” i publikuar në revistën “Focus”.

Megjithatë, 40 për qind e të pyeturve mendojnë se blloku do të ketë një rënie të ndjeshme të anëtrëve, ndërsa vetëm 27 për qind e të pyeturve presin që projekti i BE-së do të dështojë në dekadën e ardhshme.