Kalojnë sezonet, ndryshojnë shijet dhe stilet, por xhinsi qëndron gjithmonë veshja më e dashur nga femrat.

Është materiali i vetëm që nuk mungon asnjëherë në garderobën e femrave, në çdo stinë. Denim është look-u më i preferuar, sidomos gjatë verës, që me kombinimet “casual” mund të luash me çfarëdo lloj modeli dhe ngjyre.

Cilindo prej modeleve që mund të zgjidhni, skinny, boyfriend, të gjera, të ngushta, të grisura, të shkurtra, me xixa, do t’ju bëjë të dukeni shumë trendy, sepse xhinset nuk janë kurrë jashtë mode.

Dhe këtë vit më shumë se kurrë ato po preferohen në çdo pjesë të veshjes, në pantallona, në xhaketa, fustane, stilistët kanë propozuar për verën 2016 stilin e viteve ’70-të dhe ’90-të.

Nga Dior tek Anthony Vaccarello, duke kaluar tek Isabel Marant, Louis Vuitton, xhinset janë protagonistet e koleksionit pranverë -verë 2016.