Kritikuan Jul Dedën për çmimin “Mjeshtër i Madh”, Albano Bogdo: Ankesën shkruajeni në një copë letër, mbështilleni e pastaj e dini vetë ku ta fusni

Aktori i humorit Albano Bogdo ka reaguar ashpër ndaj gjithë kritikëve që u shprehën kundër akordimit të çmimit “Mjeshtër i Madh” Julian Dedës nga presidenti Bujar Nishani.

Në një reagim të shkurtër në rrjetet sociale, Albana Bogdo, ka dalë në mbrojtje të kolegut të tij në “Apartamenti 2XL”, duke u dhënë kështu një përgjigje të gjithë të pakënaqurve. Pa ngurruar aspak në reagimin e tij, ai shprehet se të gjithë të pakënaqurit të shkruajnë ankesat e tyre në letër, t’i mbështjellin në formë tube dhe pastaj ta fusin aty ku dinë vetë.

“Per te gjithe ju qe keni ankesa mbi cmimin ‘Mjeshter i madh” qe mori Julian Deda. Ju lutem, ankesat shkruajini ne nje cope leter, letren mbeshtilleni ne forme tubi, pastaj e dini vete ku ta fusni. Me falni per humorin banal, por kaq dime te bejme ne. Nuk konkurrojme dot me nivelin elitar te Ezelit dhe Ertugrulit, qe i shifni nga mengjesi deri ne darke mor ju …”, shkruan Albano Bogdo.

Julian Deda ishte një prej 32 artistëve që iu akordua ky çmim tri ditë më parë nga Presidenti i Republikës së Shqipërisë, Bujar Nishani.