Këshilltarët rilindas shpallin “marren” e vet “nderin” e tyre!!!

*Bislim AHMETAJ

Sot këshilltarët e majtë të një njësie zgjedhore i paskan dhënë titullin “Qytetarë Nderi” një vrasësi. Dhe jo një vrasësi të rëndomtë, por pikërisht atij që qëlloi me pesë plumba, me armën e shtetit, në ambientet  Parlamentit të Shqipërisë, kolegun deputet të opozitës, Liderin e Dhjetorit, AZEM HAJDARIN.

Ky veprim i këshilltarëve “socialist” të Hasit nuk duhet të çudisë asnjë mendje normale në këtë vend absurd edhe pse krahinës së Hasit, qytetarëve të saj i ka hedhur baltë  dhe e ka turpëruar si rrallë herë në histori e vet të mbushur me vepra krenarie. Them që nuk duhet të çudisë askënd, pasi me votat e deputetëve socialistq (dhe jo vetëm me to) është zgjedhur në krye të Parlamentit të Shqipërisë, Gramoz Ruçi, njëriu që udhëhoqi operacionin policor për shtypjen e demostratave të 2 Prillit në Shkodër, njëriu që përgjaku qytetin e lirisë në vigjilje të zgjedhjeve të para pluraliste me vrasjen  e katër “Martirëve të Demokracisë”. Kryetari i këtyre këshilltarqve “rilindas” në Tiranë ka thirrur në kabinetin e tij dhe pikërisht në postin e Ministrit të Brendshëm ish hetuesin e diktaturës dhe bashkëpunëtorin në krim e trafik ndërkombëtar droge të vëllait të tij, ka vendosur në postin e ministrit të Jashtëm djalin e anëtarit të Byrose Politike, dënuar nga gjykatat e vendit pas viteve 90 me 11 vite burg për genocid. Vet kryetari i këshilltareve socialist të Hasit dhe të gjithë “rilindasve” shqiptarë është i biri i ish anëtarit të Presidiumit të Kyvendit Popullor, i cili firmosi varjen e poetit disident Havzi Nela. Dhe  jo në 44-ën, as në 48-ën, por në 88-ën kohë kur vendet e tjera të Lindjes po çliroheshin nga mortaja e komunizmit i ati i kryeministrit të sotshëm të vendit tonë firmoste dënime me varje të kundërshtarëve të regjimit. Këshilltarët e vegjël socialistë të Hasit janë thjeshtë një vegël frymore në orkestrën kriminale që dirigjohet nga Edi Rama. Vendimi i përfaqësueve të së majtës lokale të një zone tejet të përsekutuar nga regjimi komunist është  helmi dhe vreri që Tirana zyrtare vjell mbi banorët e kësaj zone, është xehri i luftës së klasave që Tirana zyrtare mbjell ndër këta banorë për të nxitur përçarjen dhe konfliktin mes tyre.

Ata, këshilltarët socialistë verbtazi e kanë ngritur duart e tyre të mpira nga ideologjia ose ndonjë shukë paresh të ndotura nga droga për të shpallur turpin e Hasit “nder” të vetin. Vendimi i tyre  nuk i zbeh  aspak vlerat dhe meritat  e çmuara të Azem Hajdarit, atij vetëm i rritet shkëlqimi dhe i ndihet mungesa. Azemi edhe pse u përndoq, iu banë prita, atentate dhe u ekzekutua si kundërshtarë politik në memorien e shqiptarëve u skalit si kampion i lirisë, si martir i demokracisë, si hero i çështjes sonë kombëtare. Ndaj ky vendim absurd , jo ligjor, aspak  etik  e aq më pak zakonor për këtë zonë me tradita të shkëlqyera tregon që misioni i të majtës shqiptare për përçarje dhe nxitje të vëllavrasjes, nisur me 8 Nentor të 41-it akoma s’ka mbaruar. Ky vendim idiot e dashakeq tregon se sa e dobët është kultura demokratike dhe ligjore në vendin tonë, sa larg Europës jemi edhe pse kryeministri leh çdo ditë me orë të tëra për të kundërtën. As te ekzistencializmi i Dostojevskit, as te absurdi i Kamysë nuk mund të gjeshë përgjigjen e sprovave idiote që e majta shqiptare po eksperimenton ndër shqiptarë.

Mos i falë o Zot se e dinë shumë mirë se çfarë po bëjnë (!)

*Kryetar i Grupimit “DHJETOR ‘90”