Llukan Saqellari: O fati ynë ku humbe? Bota miell dhe ne krunde!

1- Jo, thotë FATI! Nuk jam fajtor…

 

Fati a Nëna Natyre, ose Perëndia përgjigjen:…të mbolla në mes të Dheut dhe të dhashë gjithë të mirat Detin dhe Malin…Tokën e Nëntokën…Mullirin e millonanë… Ç’faj të kemi?

 

2- Të katandisën kokoshi një thelë…

 

Vendet kufitare të tkurrën, të bënë fukara, të dhanë udhët e botës nga lakmia e Fatit tonë…

 

3- Po mirë dje në Protektorat, Mbretëri, Diktaturë…po sot në të ashtuquajturën Demokraci pse bëmë Krunde?

 

Erdhi Vidi të na rregullonte po e përzume! Edhe me Mbretin nuk gjetëm karar! Me diktatorin Hoxha ca më keq!!

Ja dhe Demokracia e shumëkërkuar! Me ulërimë akoma!

 

4- Kush është fajtori që “Nuk bëjmë Miell po Krunde”?!

 

Mos jemi ne shqiptarët “baltë që s’ bëhemi poçe”? Në asnjë mënyrë JO. Me kuadrin Universitàr brenda e jashte vendit po shkëlqejmë!

Apo e ka fajin Sistemi Demokratik tridhjet vjeçar? Po ky është fajtori kryesor. Udhëheqësve të ardhur nga Diktatura, që kanë shkëmbyer Fronet djathtas e majtas pa përjashtim. Ata i gatuan ca nene të Kushtetutës duke i bërë “çorbë derri”. Këtë tregon dhe gjendja alarmuese e kohëve të fundit. Udhëheqësit majtas e djathtas “për një plesht duan të djegin jorganin”!

Ky sherr vëllavrasës i kohës së RE nuk…Po një e vërtetë duhet thënë “ikëm nga shiu dhe ramë në breshër”.

Se kryeministrat-diktatorë nuk dëgjojnë intelektualët dhe akademikët e mençur. Ushtrojnë diktat mbi prokurorët e gjykatësit e papërlyer. Kanë kapur çdo hallkë të sistemit demokratik dhe nuk lëshojnë Fronin.

 

Disa pyetje drejtuar udhëheqësve të postdemokracisë:

 

– Rrëfeni pasuritë tuaja dhe parlamentarëve me “kuë e maç“ ku i kini? Jo në organet tuaja por në popull. Tregoni rrogat, dietat, honoraret, ryshfetet….Edhe vjedhjet me Diplomat e pamerituara…Edhe ju Kryetaret e rinj te Bashkive se njoh pak që “s’i lan as lumi e as përroi”.

-Media t’u zbulojë Vilat lluksoze dhe si harakopisi Ju. Hallexhijtë do t’u gjykojnë e votojnë.

– Në mitingje kur duartrokiteni pse pushoni dhe tregoni zemrën. Apo përkëdhelni dashamirësit?

– Pergjigjuni hallexhinj jo vetëm me “portale” shqiperiaqëduam, “bashkia që duam “…po edhe me shkrim se njoh shembuj si me Kryeministrin aktual që me VKM e tij punon me dy standarte…

– Pse nuk i jepni fund praktikës së Vjedhjes së votave se çuditët të gjallë e të vdekur?? Rrugët u janë propozuar.

 

***

Kur do bëjnë shqiptarët MIELL? Se mençuria popullore ështe Filozofi më i mirë!