Fadil Sahiti: Libri im “Grremçat e Atdheut”

Unë u jam mirënjohës atyre që më kanë inkurajuar dhe ndihmuar të shkruaj këtë libër. I jam mirënjohës studiuesit dhe gazetarit Agron Shala, i cili më ndihmoi jo vetëm për të redaktuar dhe përmirësuar cilësinë e këtij libri, por edhe për të sqaruar shumë probleme në diskutime të hollësishme në një periudhë gati trevjeçare; shkrimtares Violeta Allmuça e cila ka lexuar dorëshkrimin dhe ka bërë shumë sugjerime për përmirësimin e tij; studiuesit Çerçiz Loloçi i cili më ndihmoi në përgatitjen e drafteve të ndryshme të këtij libri.