Astrit Lulushi: Thoth
Tableta Emerald e Thoth-it është një tekst i lashtë që besohet se përmban njohuri të avancuara të shkencës, matematikës dhe spiritualitetit. Sipas legjendës, Tableta u krijua gjatë kohës së Atlantidës dhe përmban mësimet e Thothit, një prift-mbret që zotëronte njohuri të avancuara. Tableta supozohet se ishte fshehur nën Piramidën e Madhe të Gizës, së bashku me tekste dhe artefakte të tjera të lashta, dhe u zbulua nga Hermes Trismegistus, një figurë legjendare në historinë e misticizmit. Hermes Trismegistus ishte një mjeshtër alkimist dhe filozof që jetoi në Egjiptin e lashtë rreth vitit 2000 pes. Thuhet se ai i kishte përkthyer mësimet e Tabletës në gjuhën pellazge, dhe i kishte ndarë me studiues të tjerë.
Me kalimin e kohës, Tableta Emerald u bë një tekst i nderuar fje besohej se mbanin çelësin për të zhbllokuar sekretet e universit dhe për të arritur ndriçimin shpirtëror. Fraza “Si lart, ashtu edhe poshtë”, e cila është një nga frazat më të famshme, është marrë nga Tableta Emerald. Tableta ka mbetur një tekst parësor për alkimistët gjatë gjithë epokave dhe është përkthyer dhe studiuar nga shumë studiues dhe praktikues të alkimisë, spiritualitetit dhe okultizmit. Tableta Emerald ka frymëzuar shumë vepra arti, duke përfshirë printimin e Salvador Dali, i cili i referohet tabletit me xhevahirin bardh e zi të prerë me smerald në pjesën e sipërme të printimit. Printimi paraqet një figurë nudo femërore me një pemë që mbin nga supet e saj dhe pika vesë që udhëtojnë poshtë printimit. Udhëtarët me shkopinj ecjeje në sfond janë pelegrinët, një simbol i alkimistit në kërkim të Gurit Filozofik dhe mund të përfaqësojnë Hermesin ose Mërkurin (ekuivalenti romak), i cili shpesh përfaqësohet si udhëtar.
“Dëgjo urtësinë, o njeri”, këshillon Thoth, “kujto njohuritë e harruara të fuqisë. Luftërat midis errësirës dhe dritës filluan në ditët e njeriut të parë. Errësira dhe Drita e rrethuan njeriun atëherë, si tani, dhe ndërsa në disa rrethana mbizotëronte errësira, në të tjera Drita i mbushte shpirtin. Po, konflikti midis errësirës dhe dritës ka ekzistuar prej fillimit. Ajo është luftuar egërsisht gjatë historisë me fuqi të çuditshme dhe të panjohura për njeriun. Adeptët kanë luftuar kundër Dritës duke qenë të mbushur me errësirë, por ka të tjerë që, ndërsa janë të mbushur me shkëlqim, e kanë mposhtur gjithmonë errësirën. Aty ku mund të jeni, në fushë, në mal, në të gjitha epokat, me siguri do të keni dëgjuar për betejën me natën. Shumë kohë më parë, Dieljet (drita) e Mëngjesit duke zbritur, e gjeti botën të mbushur me natë, dhe aty filloi lufta, beteja shekullore mes Errësirës dhe Dritës. Shumë njerëz në atë kohë ishin aq të zhytur në errësirë saqë drita mund të dukej vetëm si një flakë e dobët. Disa prej tyre ishin mjeshtra të natës që dëshironin t’i rrethonin të gjithë në errësirë: u përpoqën të joshin të tjerët që të bashkoheshin me ta në natën e tyre. Mjeshtrit e shkëlqimit, luftuan ashpër errësirën. që synonte të shtrëngonte vazhdimisht zinxhirët që i lidhin njerëzit, duke përdorur magjinë e errët që fuqia e errësirës kishte futur te njerëzit. Magji që bën hije mbi shpirtin e njeriut. Të bashkuar, Vëllezërit e Errësirës, nëpër shekuj i armiqësojnë njerëzit. Ata janë gjithmonë të fshehtë dhe të gjetur, por të pa dukshëm nga njeriu. Përgjithmonë, ecin dhe punojnë në errësirë, duke u fshehur nga drita. Në heshtje, fshehurazi përdorin fuqinë, duke skllavëruar dhe lidhur shpirtin e njerëzve. Të padukshëm vijnë, të padukshëm shkojnë. Njeriu në injorancën e tij i thërret nga poshtë. Errësirë është mënyra se si udhëtojnë; në Tokë shkelin nëpër ëndrrat e njeriut. Ata kanë fituar fuqi nga errësira rreth tyre për të shtuar radhët, në mënyra të errëta dhe të padukshme nga njeriu”.
Please follow and like us: