Rikthehet filmi ‘Njerëz dhe fate’, surpriza e serive të reja, aktori brilant Rezart Veleshnja!

Rikthimi i serialit hit shqiptar “Njerëz dhe Fate” është tashmë fakt i kryer.

Që prej përfundimit të serialit, fansat e serialit kanë pritur që të rikthehet, me aktorët protagonistë që gjatë viteve e kanë pranuar se do donin po ashtu t’i riktheheshin roleve të tyre. Dhe më në fund dëshira u është plotësuar.

Derhemi ka publikuar një tjetër foto, ku ai shfaqet pranë Erës, motrës së tij në serial (Eni Jani Fuga) dhe dajës shef policie (Alfred Trebicka), ndërsa shkruan bashkëngjitur: “Gjithçka është ok… përgatitjet vazhdojnë”.

Seriali “Njerëz dhe Fate” filloi transmetimin e saj në TVSH në vitet 2002-2003 dhe ‘mbërthe’ para ekranit pafund shqiptarë që prisnin me ankth e frikë se çfarë do të ndodhte me fatin e personazheve të tyre të preferuar.

Kush është Rezart Veleshnja?

Një nga ikonat e spektaklit të humorit ‘Portokalli” Rezart Veleshnja, larguar prej këtij spektakli pas 17 vjetësh, është befasia e këtij seriali të njohur që rivjen me disa seri të reja. Aktor komik, i pangjashëm me një grup aktorësh, ka qenë përherë një personazh i dashur për publikun, që edhe pse mund të luajë brenda një spektakli arrin të mishërojë karaktere të ndryshëm.

Rrugë të mbarë serialit dhe aktorit brilant dhe të pangjashëm, Rezart Veleshnja!