Gjashtë libra që Kadare propozon për lexuesit e tij

Në vitin 2014, The Week publikoi listën e gjashtë librave që Kadare propozon për lexuesit e tij, libra të autorëve tjerë të cilët duket se shkrimtarit shqiptar i kanë lënë mbresë gjatë leximit.

1. “Ferri” – Dante Aligieri: Ky është libri i parë i Aligierit në kuadër të Komedisë Hyjnore, pasuar nga Purgatori dhe Parajsa. “Ferri” merret me njohjen dhe refuzimin e mëkatit, në rrugën drejt Zotit.
2. “Don Kishoti” – Miguel de Cervantes Saavedra: Ky libër flet për aventurat e Don Kishotit. Historitë mbi kalorësit legjendarë vazhdonin të ishin ende shumë të lexuar në periudhën kur Servantesi shkroi Don Kishotin. Këto lloj historish e idealizonin kalorësin i cili vriste dragonj, monstra dhe ushtri të pafundme armiqsh.
3. “Makbethi” – Shekspiri: Kadare është ngazëllyer nga Shekspiri dhe sidomos nga tragjedia e Makbethit. Makbethi eshtë njëra ndër tragjeditë e Shekspirit ku paraqitet lufta e përgjakshme për pushtet ne Skoci gjatë shekullit XI. Makbethi është një gjeneral në ushtrinë e mbretit dhe një ditë krejt papritur ai ndeshet me një magjistare. Magjistarja parashikon fatin e tij dhe i tregon se një ditë ai do të bëhej mbret, por se nuk e dinte se ku.
4. “Frymë të vdekura” – Nikolai Gogoli: Libri është shkruar në vitin 1842, ndërsa nisi me një letër që Pushkini i dërgoi Gogolit ku i tha se duhej të shkruante një roman mbi Don Kishotin në stilin rus. Mentaliteti, fajet, shfajësimet, morali rus është kryesori në këtë vepër.
5. “Nderi i humbur i Katerina Blum” – Heinrich Boll: Përralla e vitit 1974 mbi një vajzë të re dhe një gazetar që ia shkatërron jetën, është historia e fundit në këtë listë. Janë gjithsej dy filma të realizuar ndër vite mbi historinë e këtij tabloidi lajmesh dhe Katharinas.
6. “Procesi” – Franz Kafka: Kafka sjell te lexuesi një njeri që burgoset e persekutohet, por nuk dihet krimi i bërë nga ai. Vepra është shkruar midis 1914 e 1916. Libri është radhitur në dhjetë librat më të mirë gjermanë të botuar në shekullin 20-të.

/Americaneye/