Ramiz Lushaj: Jam 100 vjeç

Unë them se jam 100 vjeç…!

Me jetë në dy shekuj.

Ndër vite me dhjetra nipa e mbesa…

Kulla ime me libra të botuar në tre breza.

I shetitun nga Amerika në Afrikën e Jugut.

Kam shkrue emnin në lisat e malit e faqet e fejsbukit.

Jam i kangës maje-krahu e i celularit.

I penës, i pushkës, i plugut, e i emailit…

Kam udhëtue mbi një shkop si në kalë të Gjergj Elez Alisë.

Jam ulë për foto në karrike të Sekretarit të Përgjithshëm të OKB-së.

I kam të mijat 100 evente,

100 plagë,

100 sekrete,

100 amanete…

Më duket se kam 100 vite, në këta dy shekuj jete…