Eva Hoxha: Koha

Koha të rrit,

Koha të rinon,

Koha të plak,

Koha të konsumon,

Kohën e harxhon,

Koha të mëson,

Koha shëron plagë,

Koha vërteton.

Koha tregon të vërtetën (por jo gjithmonë)

Koha është e çmuar kur e shfrytëzon,

E kërkon kur s’ke ditur ta shfrytëzosh.

 

Njeriu është i shtrirë në kohë!

 

Koha është e imja, e jotja është,

Të mora kohë, të hëngra kohë,

S’kam më kohë,

Sa do doja të kisha më shumë kohë!

 

Kohën s’e ndal dot,

Kohë s’kam e s’ngutem dot.

Prandaj shkurt s’të flas dot!

 

Kanë ardhur kohë të këqia, o mik,

thoshim në  kohën tonë!