Ndaj privatizimeve në Greqi, vend që synon ta përfundojë programin e privatizimit deri në vitin 2018, program që përfshin shumë asete, duke filluar që nga portet e deri tek hekurudhat, kompanitë e energjetikës dhe në fushën e turizmit, po tregojnë interes edhe kompanitë nga Turqia.

Presidenti i Fondit Grek për Zhvillimit e Aseteve (HDRADF) përgjegjës për privatizimet, Stergios Pitsiorlas, thotë se deri tani e kanë vizituar shumë kompani turke, ndërsa ka shprehur bindjen për rritjen e interesit të firmave turke ndaj programeve të privatizimit në vendin e tij.