Virion Graçi: Prangat prej bronxi dikur
Prangat prej bronxi dikur
Te folën aq bukur për lirinë
Liria ishte atëherë një send prej zjarri
Që i mungonte dhomës tënde prej druri.
Kur të folën sërish
Ishe ndarë me dhimbje bronxi
Nga prangat e ngrohta prej nervash e mishi.
Dhe t’ u duk liria
Si një send prej druri
Që i mungonte dhomës tënde prej zjarri.
(V. Graçi, “San Valentino” 1993, f.58)
Please follow and like us: