Odise Kote: SHTËPITË NUK BËJNË ZHURMË
Në grykë të malit, kanionit ku gremisen ujërat kallkan,
Me gjuhë të egër, këndellje e vjetër që agoninë e josh.
Shtëpitë nuk bëjnë zhurmë, kur plot me njerëz janë,
Rënkojnë, kërcasin, ulërijnë vetëm kur janë bosh.
N’ato ujëra të panjerëzishme, me tjetër tingull universi,
Shkruaj kujtime të vogla, me thekse e shkëlqime të hijes.
I fus në shishe çartjesh dhe doemos të nesërmen i lëshoj…
Sepse te mirësia fshihet gjithë drita dhe kuptimet e dijes.
Bota e përqesh njeriun që këndon vetminë në mjerim,
Të jesh i ashpër do të thotë të jesh i brishtë e të gabosh.
Shtëpitë nuk bëjnë zhurmë, kur plot me njerëz janë,
Rënkojnë, kërcasin, ulërërijnë vetëm kur janë bosh…
Please follow and like us: