Vlora Obertinca: Vjenë…

Në ty kalova gjysmën e jetës

Në mua le kujtime që i mora me vete

Te ti u shkollova dhe u pavarësova

Jam krenare që nga ti shumë kulturë mora

Kur flas për ty kam shumë të tregoj

Nga ty u udhëhoq perandoria më e madhe në Evropë

Sa eci nëpër oborret e tua mbretërore

Herë në Schönbrun, herë në Belvedere

Kur i shikoj pallatet mbretërore me drita në mbrëmje

Mendoj këto mund t’i ketë ndërtuar vetëm një dorë hyjnore

Bukuri përrallore në kopshtet e Vjenës prej trandafilave deri te jaseminet

Në Hofburgun e famshëm i takon kalorsit

që kalërojnë me lipicanët nëpër oborret shekullore

Ti i ruan ende armët e Skëndërbeut

Që një ditë të vijmë t’i marrim t’i kthejmë te atdheu

Aty është thesari i perandorisë austro-hungareze

Aty janë sallonet ku luajti Mozarti për Maria Terezën

Aty lindi Frojdi, aty lindi Shtrausi

Aty krijoi Zvajgu dhe Amadeusi

Në Burgteater luajti Moisiu

Aty themeloi Konica shoqatën ‘Albania’

Përulem para mbretit Franc Josef

që e ndihmoi Shqipërinë të shpallet shtet ne vete.