Hamit Aliaj: KËSHTJELLA E FATEVE

Në kështjellën e Fateve në Bruksel,

Kaçadre përvidhet

Bollverbëta me shtatë krenë

Prej çdo kreu del një zë

Ikonat paskan braktisë kishat

Zbathë i bien përmjedis Brukselit

Për dore mbajnë

Dashin galan

E zogun grizhlan

E qenin e murrëm

E ujkun e currëm

Në cep të mustaqeve të Niçes

Idhtas qesh Mbinjeriu

Blerësi i shpirtnave

Me thes në shpindë

Kapërcen urën

E niset për Ballkan

…………..

Bruksel, 31.10.2022