Heber Lopez, gjyqtari brazilian është bërë pjesë e një skandali seksual, pasi në internet kanë dalë foto të tij komprometuese. Lopez është gjyqtari apo arbitri që drejtoi finalen e Kupës së Amerikës mes Kilit dhe Argjentinës. Pas kësaj ndeshje gjyqtari është gjykuar për gjykim të njëanshëm në favor të Kilit. Një nga tifozët e Argjentinës është hakmarrë, duke postuar në rrjetet sociale disa foto, ku shfaqet gjyqtari në shoqërinë e disa prostitutave në një dhomë hoteli. Ndërkohë komenti i këtyre fotove ka qenë se këto ishin dhurata që kombëtarja e Kilit i bëri gjyqtarit. Megjithatë ende nuk është konfirmuar nëse këto foto janë të gjyqtarit, apo është thjesht një foto montazh.