Matilda Makoçi, ikona dhe eleganca e kinemasë në vitet ‘80-të
Matilda Makoçi është cilësuar si “meteori i skenës shqiptare”. Aktorja e talentuar u tërhoq kinemaja në kulmin e shkëlqimit të saj. Skena shqiptare ka kohë që i mungon eleganca e aktores simpatike të viteve ‘80-të.
Filmi “Apasionata” në vitin 1983 do të bëjë atë të njohur tek spektatori shqiptar. Më tej Makoçi me bukurinë dhe me zotësinë e një aktoreje të talentuar vazhdon sukseset në filma të tjerë.
Në fillimin e viteve ‘80, Edi Rama, një student i Institutit të Arteve dhe basketbollisti i Dinamos filloi të shfaqet në bulevardin e Tiranës dhe në Pallatet e Sportit i shoqëruar nga një vajzë shumë më e njohur sesa ai vetë në atë kohë, një aktore që po dominonte kinematografinë shqiptare në ato vite. Ishte Matilda Makoçi.
Në korrik të viti 1986 ata martohen së bashku. Në 12 gusht të vitit 1990 ajo lindën në Tiranë djalin e saj, të cilit do t’i vihet emri Greg nga i vëllai i M. Makoçit. Dy të rinjtë artistë kishin premisat se do të dominonin gjatë jetën publike në Tiranë. Fatkeqësisht nuk ndodhi kështu. Pas thuajse 5 vitesh lidhja e tyre merr fund. çifti Rama-Makoçi divorcohet në vitin 1991. Pas divorcit, Makoçi emigroi në Greqi, ku u përfshi në disa projekte televizive e kinematografike të atij vendi. Në vitin 1996 u kthye në Tiranë, ku jeton edhe sot. Në vitin 1996 u kthye në Shqipëri dhe me një shprehje të vetme përshkroi jetën e saj: “Njerëzit gjysmën e jetës punojnë për t’u bërë të famshëm, dhe gjysmën tjetër për t’u fshehur…”.
Fëmijëria
Mbaron shkollën e mesme të Politeknikut në Tiranë dhe më pas vazhdon në degën e dramaturgjisë në Institutin e Lartë të Arteve. Bëhet përgjegjëse e Rinisë në këtë institucion. Lindi në Tiranë më 19 Prill 1963. Ishte 23 vjeç kur mbaroi Institutin e Lartë të Arteve në vitin 1986 në degën e aktrimit. Kur ishte studente luajti rolin kryesor, Eden, në filmin “Në kufi të dy legjendave”, 1981. Në vitin 1983 ajo ka prezantuar edhe Festivalin e XXII-të të Këngës në RTSh. Vijoi më pas në 7 filma me role kryesore.
Teatri
Pas përfundimit të studimeve u emërua me punë si aktore në Teatrin Kombëtar. Menjëherë në këtë institucion fillon interpretimet e saja të para siç ishte roli i Xhulietës në tragjedinë “Romeo dhe Xhulieta” të Shekspirit në 1987 si dhe “Zbutja e Kryeneçes” me rolin e Bjankës ku zëvendësonte faktikisht aktoren Elvira Diamanti. Fatkeqësisht pjesët e para të saj ku ka interpretuar, nuk janë të regjistruara në video askund edhe pse i përkasin viteve `80.
Për sa i përket interpretimeve skenike, aktorja ka thënë se nuk është ndjerë vetvetja në asnjë në nga rolet. “As “Apasionata” dhe as “Balada e Kurbinit” (role ku jam bërë e njohur më shumë) nuk kanë qenë…Në fakt, e vërteta është se nuk e kam gjetur vendin tim asnjëherë në skenë, asnjëherë në këto role.”- është shprehur në media Matilda.
Çmimet dhe Nderimet
U nderua me medaljonin e festivalit në rolin e Mirës në filmin Apasionata (1983), ku dëshmoi prirjen e saj të natyrshme për zhbirilime në psikologjinë e personazhit, si dhe një ndjeshmëri të dukshme aktoriale.
Në vitin 1986 Matilda Makoçi nderohet me Çmimin “Aleksandër Moisiu” për interpretimin e saj në rolin e Marjetës në filmin “Hije që mbeten pas”.
Filmografia
-Oi Filenades – Mikeshat (1993) rol i vogël, në një film grek
-Balada e Kurbinit – (1990) – Bashkëshortja e Dardit
-Shpresa – (1988)
-Hije që mbeten pas – (1985) – Marjeta
-Të mos heshtësh – (1985)
-Apasionata – (1983)
-Në kufi të dy legjendave – (1981)
-Si gjithë të tjerët – (1981), Jeta
Matilda Makoçi, nuk ishte vetëm një aktore e talentuar, por edhe një ndër femrat më të bukura në vitet e komunizmit, por ajo edhe sot reflekton plot hijeshi dhe mirësi, ndërsa skenës shqiptare ka kohë që i mungon eleganca e aktores simpatike të viteve ‘80-të.