Eni Çobani: Zilia, fuqia e njerëzve të vegjël

Zilia, kjo ndjenjë e tmerrshme tinzare, e padukshme dhe shkatërruese që jeton brenda njerëzve të vegjël, vazhdon ende sot të dëmtojë jetën e shumkujt, e pandëshkuar nga ligje apo zakone njerëzore, e anashkaluar gjithmonë si diçka e vogël personale, si diçka normale, ajo ka qenë dhe mbetet armiku më i madh i Njerëzimit.

Zilia është fuqia e njerëzve të vegjël, e atyre që jetojnë e vriten për vogëlsira.

Njerëzit e mëdhej dalin përtej saj, ngrihen përmbi to, e refuzojnë dhe e përçmojnë, e anashkalojnë dhe luftojnë me këtë armik të maskuar shkatërrimtar./albspirit.com