Lulzim Tafa: Poezia dhe Amerika – Amanda Gorman dhe Joe Biden

Fuqia e Poezisë “The Hill We Climb”

Joe Biden, (ashtu si edhe paraardhësit e tij John F. Kennedy, Bill Clinton, Barack Obama) ceremonitë presidenciale të inaugurimit të tyre i madhështuan duke ftuar poetë që të lexojnë krijimet e tyre. Në ceremoninë e inaugurimit të Joe Biden, Amanda Gorman u paraqit me Poezinë “The Hill We Climb”. Amanda është poete e re, por shume e talentuar, ajo shkruan bukur dhe lexon bukur. Askush nuk do të mund t’i përfaqësonte poetët më mirë se ajo.

Amerika në ceremoninë e saj kryesore, atë të zgjedhjes së Presidentit të ri, zgjedh të promovoj poezinë, të promovoj një poete. Madhështore është Amerika, ashtu siç është madhështore Amanda Gorman, ashtu siç është madhështore Poezia.