Cikël poetik nga Lulzim Tafa

Për Zotin

Për Ty

Për kry t‘vargut

Nuk e di

Kam rrëshqitë

N’dashni si në akull

Apo kam rrëshqitë

Në akull

Si n’dashni.

Kryq para Djallit

T ‘kam vnue

Me m ‘dashtë

Me m ‘mbrojtë

Me shpirt

Me trup

Me m’mlue.

Dreqi ti

Si se kap dashurinë

Që ta hodha në ajër

S’e di ti

Sa lehtë e ke

Me m ‘përpi

Me një frymëmarrje

Dreqi ti

Dashuria ka metastazu në ajër

Veç vonim

Se p‘shtim nuk ki

Dije.

Më ke ndezë

si zjarr

dhe po ngrohesh me mua

mbaje mend

vetë ke me u djeg

me sytë

me buzët

tua.