Bill Gates shpreh keqardhje që tradhtoi ish-gruan e tij, pritet reagimi i konspiracionistëve dhe bejtexhinjve

Bill Gates thotë se i vjen keq që tradhtoi ish-gruan e tij me një kolege nga Microsoft. Ai e bëri këtë deklaratë vetëm disa ditë pasi zyrtarisht përfundoi divorci i tyre. Themeluesi i Microsoft konfirmoi se ai tradhtoi ish-gruan e tij Melinda Gates disa ditë pasi ish-çifti përfundoi padinë e tyre për divorc. Bill, i cili ishte një bashkëthemelues i Microsoft në 1975, u pyet për këtë çështje në një intervistë për CNN, ku ai zbuloi se i vjen keq që ishte tradhtar në të kaluarën, por se ai është gati të shkojë “më tej” “sesa ndodhi në martesën e tij. “Sigurisht, mendoj se të gjithë pendohen, por është koha për të menduar dhe në këtë pikë më duhet të ec përpara. Puna ime është shumë e rëndësishme për mua. Brenda familjes, ne do të shërohemi sa më mirë që mundemi dhe do të mësojmë nga ajo që ndodhi,” tha ai. Gjykatësi i dha fund divorcit të Bill dhe Melinda të martën, më 2 gusht. Në marrëveshjen, e cila iu dorëzua Gjykatës së Lartë në Uashington, gjykata vuri në dukje se asnjë “vendim parash” nuk u shqiptua dhe se as Bill dhe Melinda nuk kërkuan të ndryshonin mbiemrat e tyre.