Kapet me drogë në Angli, me 3 identitete si disa deputetë dhe kryebashkiakë shqiptarë

Një 27-vjeçar shqiptar përfundoi në prangat e policisë britanike si i akuzuar për trafikim të lëndëve narkotike. I riu i identifikuar si Artenis Tërshalla u kap mat teksa transportonte drogë me automjet. Në makinë atij iu gjetën edhe 4 mijë paund dhe një thikë. Pasi u prangos, shqiptari pranoi para autoriteteve se përdor tre identitete, një shqiptar, një bullgar dhe një italian. Duke u hequr si italian, 27-vjeçari kishte hapur një llogari bankare në Britani për të marrë rreth 12 mijë paund brenda vitit. Pasi pranoi krimin, gjykata e burgosi me 16 muaj burg, ndërsa ka dyshime që ai të jetë i përfshirë në një rrjet më të gjerë të trafikimit të drogës.