Frrok Çupi deklaron se në Shqipëri ka shumë spiunë rusë, përfshi konspiracionistët

Analisti Frrok Çupi ka deklaruar se në vendin tonë ka shumë spiunë rusë të cilët përpiqen të mbledhin informacione për vendin tonë.

I ftuar në emisionin “Breaking” në Top News, Çupi deklaroi se vendi ynë është gjatë gjithë kohës në sulme, ndërsa paralajmëroi se nëse Rusia vendos të zgjerojë sulmet e saj, vendi ynë do të jetë një ndër shënjestrat e para.

“Në luftë shkohet me të gjitha mjetet. Ka nisur me kibernetikën. Por dhe me mjete të tjera primitivë, me spiunazhin. Nëpër këmbë kemi spiunë rusë që kanë tentuar dhe vazhdojnë të tentojnë të grumbullojnë sa më shumë informacione. Raportet armike me zyrtarë shqiptarë. Parlamenti po punon për të çmontuar zyrtarë të lartë që mbajnë informacione të rëndësishme të klasifikuara. Shqipëria është instaluar si një kolonë e ruajtjes së stabilitetit të paqes në rajon .Nëse Rusia do vendosë të zgjerojë sulmin e saj ne do të jemi ndër objektivat e parë. Në kemi privilegjin e madh ne jemi në mbrojtjen e NATO-s dhe SHBA-ve.”- deklaroi Çupi.