Mbreti Karl III: Po ju flas me trishtim të madh…
Mbreti Karli i tretë i Britanisë iu drejtua të premten një kombi të trishtuar pas vdekjes së Mbretëreshës Elizabeth II, që qëndroi për shtatë dekada në fron.
I ulur pranë një fotografie të nënës së tij dhe i veshur me një kostum të zi dhe kravatë, ai thotë se nëna e tij “bëri sakrifica për detyrën”.
Para se ai t’i adresohej popullit, pati një takim me kryeministren britanike Liz Truss.
Mbreti i ri i Britanisë u përshëndet nga afër me turmat që e prisnin në Pallatin Buckingham përpara se të hynte për herë të parë në Palltin Buckingham si mbret.
Shumë prej tyre ai zgjodhi t’i përshëndeste duke iu dhënë dorën, por pati dhe nga ata që i puthën dorën të ngazëllyer, madje një zonjë e puthi dhe në faqe.
Me ndarjen nga jeta të Mbretëreshës, një sërë ceremonish do të mbahen deri në funeralin e saj, 10 ditë pas vdekjes. Dita e shuarjes së saj është quajtur D Day, ndërsa çdo ditë pasuese cilësohet si D+1, D+2 e kështu me radhë.
Një ditë pas largimit të saj nga jeta, Këshilli i Aderimit, i cili përfshin figura të larta qeveritare, mblidhet në Pallatin e St James për të shpallur Karlin sovranin e ri.
Qindra këshilltarë të fshehtë, duke përfshirë kryeministrin dhe ministrat, do të kërkohet të marrin pjesë.
Askush nuk mund të mbajë asnjë stoli në trup. Parlamenti do të mblidhet për të rënë dakord për një mesazh ngushëllimi. Të gjitha punët e tjera të Kuvendit do të pezullohen për një periudhë 10 ditore.
Arkivoli i Mbretëreshës do të dërgohet në Pallatin Buckingham. Duke qenë se ajo vdiq në Balmoral të Skocisë, do të aktivizohet Operacioni Unicorn që do të thotë se trupi i saj do të dërgohet në Londër me tren mbretëror sa më shpejt të jetë e mundur. Në të kundërtën, do të nisë një tjetër operacion që tregon se arkivoli do të transportohet me ajër.
Homazhet pritet të vazhdojnë në Parlament. Në ditën e pestë, lëvizja nga Pallati Buckingham në Pallatin e Westminsterit do të marrë një rrugë ceremoniale përmes Londrës.
Trupi i mbretëreshës do të qëndrojë për homazhe në Pallatin e Westminsterit për tre ditë. Varrimi zhvillohet në ditën e 10 në Westminster Abbey, ndërsa monarkja do të vendoset të prehet në Kapelën Përkujtimore të Mbretit George VI.