Zana Tako: Dashuria…

 

I fsheha nazet nëpër lulet e lëndinës,

por nuk e fsheha dashurinë.

Puthja diellin,

ledhatoja hënën,

e kisha veç një dëshirë,

të bëhesha yll.

 

Largësia nuk më ndante nga ti,

se dashuria nuk njeh largësi.

Njeh veç vuajtjen e provës në durim,

por në fund të fundit,

gjithçka e ka një çmim!

 

Qëndrova në pragun e ndjenjës,

tek përcolla mendimin,

përqafova dëshirën,

e lotët të lirë i lashë të binin.

 

Mos u kthe më kohë e shkuar,

se nuk kam faj as unë, as ti.

Shpirti është si oqeani,

mban peshë të mëdha,

sa ne të dy.

 

U ktheva përsëri në lëndinë,

mes lulesh nazet rrinin fshehur,

oh, më mbyti kjo çudi,

nazet më përkëdhelnin si një fëmi.

 

Gjithkush e do dashurinë,

me naze e pa naze siç di ai,

por të bukur e ruajmë këtë ndjenjë,

se na dhuron të përjetshmen rini!

20 Mars 2023