Mendjet e trazuara të të pasurve dhe të famshmëve

Darvini ishte plot ankthe, Frenk Lloid Rajt qe një narcizist dhe Endi Uarhol koleksiononte brumin e picave

Nga Sajmën Uorëll

Ne priremi shpesh të mendojmë se figurat e mëdha të historisë – ata që ndryshuan botën me veprimet, librat apo artin e tyre – qenë të imunizuar nga lloji i vetë-dyshimeve dhe neurozave që na përndjekin ne të tjetëve. Por sikurse e zbuloi edhe Klaudia Kalb gjatë kërkimeve mbi librin “Andy Warhol ishte një grumbullues: Brenda mendjes së personaliteteve të mëdha të historisë (botuar nga National Geographic), njerëzit e famshëm mund të vuajnë nga çrregullime kronike, psikologjike ose fiziologjike, të cilat ndikojnë shumë në jetën e tyre si dhe të atyre përreth. Përparimet e reja në shkencën neurologjike, na mundësojnë tashmë t’i kuptojmë më mirë sfidat e tyre por edhe tonat.