Klubi i natës, promocion me foton e një vajze të dehur

Një klub nate në Britani është vënë në qeder të kritikave dhe komenteve të shumta negative pasi ka postuar në Twitter për të bërë promocion, foton e një vajze pothuajse të zhveshur dhe të dehur, e cila ndodhej e shtrirë në nje stol rrethuar nga shishet e alkoolit.

“Doni të përfundoni si ajo? Ne ju ofrojmë një kabinë falas për një grup vajzash këtë të premte”, shkruhej në adresën në Twitter të ‘Liquid Nightclub’, në Windsor, Berkshire, mesazh që u fshi brenda 40 minutash por që mjaftoi për të ngjallur zemërimin në rrjet.

Fotoja tregon një vajzë të paidentifikuar e cila e shtrirë në tokë, rrethohet nga shishet e alkoolit, fenomen i shpeshte per te rinjte britanikë.